Тыдзень сучаснай беларускай драматургіі. Ціхі шэпат сыходзячых крокаў

Каса працуе:

1-30 красавіка: аўт.-нядз. 14.00-19.00. Выхадны: панядзелак.

Май - 1 кастрычніка: пн.-сб.:  14.00 - 19.00. Выходны: нядзеля. 

Тэл.: 385-97-51 (каса), 8029-154-04-44 (для даведак).

Места проведения:

Важная информация  – здесь

Полный текст Публичного договора

Подробности о мероприятии

ЦІХІ ШЭПАТ СЫХОДЗЯЧЫХ КРОКАЎ

(сумесны праект Міжнароднай канфедэрацыі тэатральных саюзаў (Масква) і Рэспубліканскага тэатра беларускай драматургіі)

Аўтар: Дзмітрый Багаслаўскі

Жанр: Сон у дзвюх дзеях

Рэжысёр-пастаноўшчык: Шаміль Дыйканбаеў (Кыргызстан)

Мастак-пастаноўшчык: Алёна Ігруша

Мастак па святле: Мікалай Суркоў

Кампазітар: Канстанцін Яськоў

Прэм’ера: 11 верасня 2013 г.

Працягласць: 2 г. 20 хв.

Галоўны герой Аляксандр на пэўным этапе свайго жыцця (псіхолагі называюць гэты перыяд крызісам сярэдняга ўзросту) хоча атрымаць адказ на важнае для яго пытанне – ці любіў яго бацька пры жыцці. Жаданне знайсці адказ узмацняецца дакучлівымі снамі, у якіх тата кожны раз настойліва просіць сына пачысціць студню, бо ў каламутнай вадзе нічога не знойдзеш. Каб разабрацца ў прычынах начных кашмараў, Аляксандр звяртаецца да экстрасэнса.

Да таго ж лёс пасылае галоўнаму герою новае выпрабаванне – родныя сёстры вырашылі прадаць бацькоўскі дом і ўжо знайшлі пакупніка. Усе яны выраслі ў гэтым доме, а Аляксандр жыве тут і цяпер. Яму дорагі пахі і фотаздымкі, шкада рыпучых падлог і старых шпалер, а ў кладоўцы захавалася матуліна абрыкосавае варэнне. Здаецца, што паветра ў доме прасякнута бацькоўскім цяплом і прыемнымі ўспамінамі дзяцінства. І вось усе героі збіраюцца на сямейную раду, каб прыняць канчатковае рашэнне…

“Ціхі шэпат сыходзячых крокаў” – п'еса, дзе мяжа паміж жыццём і смерцю, сном і рэальнасцю з развіццём дзеяння сціраецца канчаткова. Амаль кожная сцэна, успрымаемая як сапраўдная, у выніку аказваецца фікцыяй. І гэтая рэальная нерэальнасць прыводзіць гледача ў свет складаных чалавечых узаемаадносін.

Facebook