"Minsk Winter Jazz 2020: All That Jazz"
Купить билеты на "Minsk Winter Jazz 2020: All That Jazz"
На тры дні, з 14 па 16 лютага, у Мінску адкрыецца партал у Сусвет джаза – Міжнародны фэст Minsk Winter Jazz 2020 абрыне на горад струмень новых ідэй, цікавых творчых сустрэч і хвалю добрага настрою.
Канцэрты адбудуцца ў Культурным Хабе ОК16 – пляцоўцы, якая славіцца сваёй вальналюбнай атмасферай і мае паўнапраўны статус адной з самых модных.
Дзень трэці: 16 лютага (нядзеля) - «All That Jazz»
а 11: 00
Дабрачынны канцэрт «Джаз для дзяцей»
Музычная імпрэза, у якой прымуць удзел юныя вакалісты Школы сучаснага вакальнага мастацтва Веранiкi Яноўскай, Студэнцкі хор Беларускай дзяржаўнай акадэміі музыкі (кіраўнік – Інэса Бадзяка), кавалер Ордэна Брытанскай імперыі (MBE), тройчы лепшы вакаліст Вялікабрытаніі па версіі «Wire/Guardian Jazz Awards», уладальнік прэстыжных нацыянальных прэмій Вялікабрытаніі «London Jazz Awards» і «Jazz Vocalist of the Year» Клiўленд Уоткіс.
Уваход на канцэрт вольны.
Кожны жадаючы падчас усяга фэсту можа ахвяраваць грашовыя сродкі для Міжнароднага дабрачыннага фонда дапамогі дзецям “ШАНС” праз USSD *222*8# для ўсiх мабiльных аператараў, iншыя спосабы ахвяраванняў i падрабязная iнфармацыя аб мэтах фонду на www.chance.by/
а 19:00
Спасціжэнне джазавага свету не абмяжуецца вандроўкамі па калідорах часу і стылю. Фестываль падорыць прыхільнікам джаза выключную магчымасць – апынуцца ў сапраўднай творчай лабараторыі. Эксперыменты вядомага еўрапейскага трыа «Phronesis» зменяцца пошукамі айчынных джазавых выканаўцаў – Паўла Аракеляна (саксафон) і гурта «The Outsiders».
Пасля заключнага канцэрта фестывалю на сцэне ОК16 адбудзецца JAM SESSION! Запрашаем мінскіх джазмэнаў і гасцей сталіцы прыняць удзел! Музыкантаў просім зарэгістравацца па нумары тэлефона +375 29 3 210 610. Уваход вольны!
Аб удзельніках:
«Phronesis trio»
Іва Нім (фартэпіяна, Вялікабрытанія)
Джаспер Хёйбі (кантрабас, Данія)
Антон Эгер (барабаны, Швецыя)
Лаўрэаты найпрэстыжнага «London Jazz Award» і «Young Spirit Award», «Phronesis trio» пад кіраўніцтвам кантрабасіста Джаспера Хёйбі трывала завалодала сэрцамі слухачоў і заваявала рэпутацыю самага ўражальнага трыа на абшарах Еўропы.
http://www.phronesismusic.com/
Павел Аракелян & «The Outsiders»
Павел Аракелян (саксафон)
Дзмітрый Хаменка (клавішныя інструменты)
Людміла Крукоўская (бас-гiтара)
Аляксандр Сапега (барабаны)
Лідар калектыву Павел Аракелян неаднаразова прызнаваўся лепшым саксафаністам Беларусі. «The Outsiders» («Аутсайдэрс») з’яўляецца пераможцам Першага Міжнароднага конкурсу «Сядзіба джаз» і выконвае эклектычную аўтарскую музыку на мяжы стыляў. Крытыкі часта параўноўваюць выступленні Аутсайдэраў з сапраўдным тэатралізаваным шоу.
http://3sektar.by/fest2014/pavel-arakelyan-dzhaz-geta-svaboda.html
Творчая ініцыятыва Minsk Winter Jazz 2020 ажыццяўляецца ў партнёрстве з Праектам Еўрапейскага Саюза MOST, Амбасадай Вялікабрытаніі ў Рэспубліцы Беларусь, Амбасадай Францыі ў Рэспубліцы Беларусь, Польскім інстытутам у Мінску, Амбасадай Швецыі ў Мінску, кампаніяй «Рэгула», кампаніяй «Кравт», сумесным прадпрыемствам «Pernod Ricard Minsk».
Канцэртнае агенцтва «Эквілібрыум ПЛЮС» выказвае падзяку аднадумцам і сябрам за веру ў музыку, разуменне ролі музычнай адукацыі для дзяцей і дарослых і патрэбы развіцця міжнароднага ўзаемадзеяння.
Падрабязнасці пра фестываль шукайце на нашай афіцыйнай старонцы Instagram @minskwinterjazz