Концерт Стары Ольса

СТАРЫ ОЛЬСА – легенда беларускай музычнай фолк-сцэны. Нібы машына часу, яго музыка з лёгкасцю дазваляе акунуцца ў атмасферу сярэднявечных гарадоў, адчуць дух тагачасных застолляў і закруціцца ў віры страдаўніх танцаў.

У 13-18 стагоддзях Беларусь была асноўнай часткай магутнай дзяржавы – Вялікага Княства Літоўскага. Натхняючыся яго гісторыяй, “Стары Ольса” адраджае музычныя традыцыі нашых продкаў і аднаўляе гучанне многіх забытых інструментаў. Музыкі граюць на копіях старажытных беларускіх і еўрапейскіх інструментаў: дуда, колавая ліра, гуслі, жалейкі, сурма, варган, рэбек, лютня, цыстра, тромбамарына, барабаны. У рэпертуары гераічны эпас, застольныя песні, балады, танцы, папулярныя мелодыі эпохі сярэднявечча і Рэнесанса.

“Стары Ольса” па-майстэрску паказвае прыгажосць беларускай культуры і прыносіць жывую гісторыю на сцэну.

Праграма “Вада, хмель і солад” перанясе вас у атмасферу старабеларускага застолля.

Гой-гой, сядзем у кола ды вясёла

Выпівайма, размаўляйма,

Пра ўсё забудзем,

Хай нам добра будзе!

Застолле – гэта мастацтва! Высакароднасць стасункаў, шчырыя сябры, узнёслы настрой, сумесныя спевы і танцы, выбрыкі і прыгоды, смаката на вугельчыках і старадаўняе пітво! Нашы продкі былі вельмі здатныя да застолляў, мелі добры густ і імпэт да іх. 

Вада, хмель і солад – тры неабходныя складнікі самага старога і любімага ўсімі напою – піва, якое аб’ядноўвае ўсе саслоўі, усе народы і ўзросты.

“Вада, хмель і солад” – спевы пра пітво, жартоўныя, ваярскія песні, старадаўнія танцы, тосты, забавы!

Праграма "Сярэднявечная дыскатэка" адраджае прыкметы адпачынку нашых продкаў: старадаўняя музыка на старадаўніх інструментах, танцы і шмат беларускага піва. Разынка праграмы – незвычайнае гучанне класікі рока ў сярэднявечным стылі. Так-так! Вы пачуеце, як гучалі б Metallica, Pink Floyd ці AC/DC у 15 стагоддзі. Сярэднявечнае паці дакладна не пакіне вас абыякавымі!