Концерт Тамары Ремез

6+

Купить билеты на Концерт Тамары Ремез

23 верасня 2020г. (серада) у Малой зале імя Р. Шырмы Белдзяржфілармоніі будзе прадстаўлены новы аўтарскі праект лаўрэата міжнародных конкурсаў, салісткі Беларускай дзяржаўнай філармоніі Тамары Рэмез (сапрана) з паэтычнай назвай «Зямля, дзе пачаўся мой лёс…». Удзельнікі канцэрту прадставяць праграму, у якую ўвайшлі лепшыя вакальныя творы беларускіх кампазітараў XVIII-XXстст.

Музыка, якая прагучыць у канцэрце, пранізана любоўю да роднага краю, пачуццямі, малітвамі і надзеямі яго народа.

Слухачы змогуць адпачыць душой, адчуць асалоду ад мілагучнасці беларускай мовы, якая па праву лічыцца адной з найпрыгажэйшых у свеце. Прагучаць арыі, лірычныя песні і рамансы Восіпа Казлоўскага, Міхала Клеафаса Агінскага, Станіслава Манюшкі, Юрыя Семянякі, Леаніда Захлеўнага, Ігара Лучанка, Дзмітрыя Смольскага і інш. Праграма вечара дазволіць апынуцца ў непаўторнай атмасферы беларускай музыкі, адчуць сувязь пакаленняў, атрымаць асалоду ад чыстага, празрыстага голаса Тамары Рэмез.

У канцэрце таксама выступіць Сяргей Махаў (флейта). Партыя фартэпіяна – лаўрэат міжнародных конкурсаў Сяргей Вайніцкі. Вядучая – кандыдат мастацтвазнаўства Святлена Немагай.

…Будуць звінець срэбраструнна гуслі!

Будзе кружыць па-над полем бусел!

Будзе з крыніц біць вада жывая,

Мара мая, маці мая – Беларусь!

Зоры глядзяцца ў крыніцы,

Край мой – мая Мілавіца,

Край мой,  празрысты ад рос,

Ад промняў бяроз,

Зямля, дзе пачаўся мой лёс.

(У. Някляеў).

Предстоящие события

Аўтарскі вечар кампазітара Арно Бабаджаняна
Минск, Белорусская государственная филармония
Французскі бульвар
Минск, Белорусская государственная филармония
Виртуозы сцены
Минск, Белорусская государственная филармония
АБАНЕМЕНТ № 5 "Класіка - гэта класна!" (концерт тр...
Минск, Белорусская государственная филармония
Белорусский государственный ансамбль народной музы...
Минск, Белорусская государственная филармония
Наверх