Спектакль En souvenir de Шагал

Спектакль без слоў

Рэжысёр-харэограф Сяргей Зямлянскі
Аўтар лібрэта Андрэй Шчоткін
Сцэнаграфія і касцюмы Максім Абрэзкаў
Кампазітар Павел Акімкін
Мастак па святле Аляксандр Сіваеў
Відэамастакі Сяргей Рылко, Ігар Сакалоўскі

Прэм'ера – 21 жніўня 2020 года
Працягласць – 2 гадзіны з антрактам

Тры ўзросты Марка Шагала, адно каханне – Бэла, і адна жарсць – жывапіс. Вырваны пры нараджэнні з агню віцебскага пажару, гэтае полымя роднага горада ён пранёс праз усё жыццё. Рэжысёр-харэограф Сяргей Зямлянскі прапануе згадаць лёс вялікага мастака без слоў і стаіўшы дыханне, гэта пластычны спектакль-біяграфія, дзе метафары жывапісу выяўляюцца фігурамі танца, а ўвесь свет па-за дотыкам закаханых знікае. Вось Агністы Певень 
сыходзіць з маляўнічых палотнаў, уцягваючы герояў у шалёныя, апантаныя скокі, а Каза сунімае імпэт і грае пяшчотную калыханку на скрыпцы. Пад гэтую музыку Марк і Бэла, вечныя закаханыя, адрываюцца ад зямлі і навечна застываюць у паветры.

Пастаноўка з'яўляецца свабоднай інтэрпрэтацыяй агульнавядомых фактаў з жыцця і творчасці Марка Шагала.