Спектакль Пінская шляхта
Купить билеты на Спектакль Пінская шляхта
Вінцэнт Дунін-Марцінкевіч
фарс-вадэвіль у адной дзеі
Рэжысёр Мікалай Пінігін
Мастак-пастаноўшчык Вольга Мацкевіч
Кампазітар Андрэй Зубрыч
Харэограф Людміла Фадзеева
Пластыка Павел Адамчыкаў
Тэксты песень Уладзімір Някляеў
Прэм'ера – 25 траўня 2008 года
Працягласць – 1 гадзіна 30 хвілін без антракту
У глушы Пінскага павета пара дробных шляхцюкоў не дазваляюць дзецям ажаніцца і б’юцца за тое, хто з іх шляхціч, а хто мужык. Станавы прыстаў Кручкоў прыязджае іх судзіць і абірае ўсю мясцовую шляхту да ніткі, прызначаючы штрафы і тым, хто бачыў бойку, і тым, хто ня бачыў. І пакуль “найяснейшая карона” збірае судовыя падаткі і гразіцца катаргай за няўплату, над галовамі шляхцюкоў праплываюць цюкі з нарабаваным дабром. Сатыра на беларускую шляхту і царскіх чыноўнікаў праз паўтара века гучыць не менш пераканаўча, чым у XIXстагоддзі.
Спектакль ідзе на беларускай мове. У даты, пазначаныя ў рэпертуары, для гледачоў даступны сінхронны пераклад на англійскую або рускую мову.
Наяўнасць паслугі і мову перакладу на кожны асобны паказ удакладняйце на старонцы Афіша тэатра. Паслуга платная, аплата ажыццяўляецца перад пачаткам спектакля.
Прэміі і ўзнагароды:
Дзяржаўная прэмія Рэспублікі Беларусь (2013)
Прэмія імя І. Ушакова за найлепшую працу мастака-сцэнографа (Вольга Мацкевіч)
Фестывалі:
V Міжнародны моладзевы тэатральны форум (Магілёў, сакавік 2010)
Міжнародны фестываль тэатральнага мастацтва "Панарама" (Мінск, кастрычнік 2009)