Спектакль Школа падаткаплацельшчыкаў

Лёгкая, іранічная, не пазбаўленая лірызму французская камедыя са сцэны Купалаўскага тэатра распавядзе, як можна выжыць і разбагацець у самыя неспрыяльныя часы эканамічнага крызісу. Рэцэпт – просты: трэба абвясціць “вайну падаткам”, стварыць папулярную і прыбытковую школу, (якая б навучыла гэтай хітрай навуцы іншых), размясціць рэкламу на самой Эйфелевай вежы і, безумоўна, быць пры гэтым абаяльным, таленавітым і закаханым ва ўласную ветраную жонку авантурыстам. П’еса, напісаная ў няпросты для французаў 1934 год, застаецца актуальнай для ўсіх і ва ўсе часы. Аказваецца пра грошы можна казаць са смехам!