Спектакль Шляхціц Завальня, або Беларусь у фантастычных апавяданнях

Рэжысёр-пастаноўшчык Алена Ганум
Інсцэніроўка  Сяргей Кавалёў
Сцэнаграфія і касцюмы Кацярына Шымановіч, Сяргей Ашуха
Кампазітар  Віктар Кісцень 
Мастак па святле  Мікалай Суркоў
Харэограф  Вольга Скварцова-Кавальская

Прэм'ера – 8 ліпеня 2019 года
Працягласць – 1 гадзіна 50 хвілін з антрактам

Інсцэніроўка паводле твора легендарнага пісьменніка-рамантыка Яна Баршчэўскага. Містыка і фальклор, гісторыя і сучаснасць, цуды і страхі – усё знітавана ў наваколлі магічнага возера Нешчарда, куды вяртаецца з паўночнай сталіцы Расійскай імперыі пляменнік шляхціца Завальні Ян. Былы вучань Полацкага калегіума апынаецца ў гушчы нечаканых падзеяў. Страта сябра і барацьба за каханне. Пагроза над любай Айчынай. У канфлікце рэальнасці і непраяўленага свету разгортваюцца падзеі на Купалаўскай сцэне.