Спектакль Вечар

Падзеі гэтай вядомай ва ўсім былым Савецкім Саюзе п’есы аднаго з лепшых сучасных беларускіх драматургаў разгортваюцца вельмі павольна. Адзінокія старыя Васіль, Ганна і Мікіта дажываюць свой век менавіта так, як і пражылі яго. Героі быццам бы знаходзяцца на востраве разам са сваімі міражамі. Адзінае, што звязвае іх са светам – гэта ўспаміны і чаканне вестак аб дзяцях, якія даўно забыліся на сваіх бацькоў. Перадаць на сцэне адну з самых пранізлівых гісторый пра адзіноцтва, забыццё і пакаянне вырашыў галоўны рэжысёр Купалаўскага тэатра народны артыст Беларусі Валерый Раеўскі.

Паводле Раеўскага, гэты спектакль – рэквіем па добрых людзях, якія не дакахалі, але засталіся тымі, кім былі заўжды, і знаходзяць у гэтым пастаянстве радасць; рэквіем па адыходзячым пакаленни і ўвогуле па ўсяму крываваму 20 стагоддзю...

Сцэнаграфія і касцюмы Барыса Герлавана
Кампазітар Андрэй Зубрыч.