Лондан

Жанр: камедыя пра касмапалітызм

Аўтар: Максім Дасько

Пераклад: Вольга Кавалеўская

Працягласць: 1 г. 30 хв.

16+

Рэспубліканскі тэатр беларускай драматургіі сумесна з Цэнтрам беларускай драматургіі запрашае на тэатралізаванае чытанне п’есы «Лондан» сучаснага беларускага драматурга Максіма Дасько.

Галоўны герой Гена – просты сантэхнік з Беларусі, хобі якога – саломапляценне. Аднойчы ён вырашае даслаць свае працы на міжнародны конкурс і атрымоўвае галоўны прыз. Цяпер трэба ляцець у Лондан… Але горад з Біг-Бэнам выклікае ў Гены спрэчныя пачуцці, у якіх ён мусіць разабрацца.

П’еса «Лондан» атрымала гран-пры «Конкурса конкурсаў Залатой маскі» (Расія).

Чытанне п’есы – тэатралізаваная прэзентацыя п’есы, «правобраз» спектакля, прапанаваны рэжысёрам. Акцёры чытаюць тэкст з ліста.

Чытанне адбудзецца на беларускай мове.